Saranggola

By: Sy Rine

Lipad, lipad matayog na saranggola

Ikaw nawa'y binasbasan ng Poong May-awa

Na gabayan ka sana saan ka man magpunta

Ngunit tali mo'y hindi hihiwalay sa kanya.

Lipad, lipad matayog na saranggola

Inililihis man ng landas huwag mag-alala

Kasingtibay ka ng isang punong Narra

Anumang unos ay iyong makakaya

Lipad, lipad matayog na saranggola

Abutin ang mga ulap o maging ang langit pa

Kakaiba mong katangian, kahangahanga sa iba

Ngayo'y ika'y titingalain ng maraming madla.